Arşiv | VÎDEO-HELBEST RSS for this section

Occo Mahabad şa be

Helbest:Occo Mahabad

Xwendin:Mehmet Doğan

Şa be…

Ez li nava evîneke bêçare mame

şa be şa be

te ez kirime xulamê çav û mijangên xwe

qet nebe lêvên xwe yên zalim bîne

qet nebe lêvên xwe yên agir û pizot bide

ez gez bikim ez sor bikim

wekî du ewrên hesretkêş

em hev maç bikin

em hev hembêz bikin

wekî Adem û Hewayê sêvên qedexekirî bixwin

bikevin gunehên kûr û bêdawî

Bi gunehên cehenemî

em hev biafirînin

hev nas bikin

hev bibînin

Netirse Lêvên xwe bîne

dibe ku em werin lenetkirin

dibe ku em werin qewirandin û şewitandin

ez razî me

tu bi tenê lêvên xwe bide…

Helbest:Occo Mahabad

Occo Mahabad-Rondikên Binevşê

Helbest:Occo Mahabad

Xwendin:Occo Mahabad

Rondikên Binevşê

Rondikên Binevşê
Tenêtî ye
li benda dilekî
di nava odeyekê de ..
Rondikên Binevşê
Hesret in
Li benda destekî
Di nava şerê evîna xwe de..
Rondikên Binevşê
Êş in
nifir in
sebir in
Di nava bêkesiya min de
Di nava tenêtiya xwe de..
Rondikên Binevşê xewnek e
Mirovek digere
Di paşila xwe de
Di nava tariyê de
Ger bibîne
Bêhna dev û lêvên wî dikişîne..
Nebîne
Wekî tesbîhek
Ax û waxan dikişîne..
Rondikên Binevşê ez im
Bi hemû zilimkariya xwe ve
Ez:tênêtiya wê
Ez:hesreta wê
Ez:êşên wê
Ez:hêviyên wê
Ez:evîna wê
Ez:dil û canê wê
Ez:jiyîn û mirina wê
Ez ji herkesî xedart ir ez
Ez ji herkesî xerabtir ez
Ez ji herkesî bêxêr ez..
Rondikên Binevşê ez im..
EZ..
Helbest:Occo MAHABAD

Occo Mahabad bajarek

Bajarek…

Bajarek bifikire ku di nav de ez bêkes û tenê.

Te difikirim te digerim te dixwazim

hesreta te dikişînim.

Bajarek bifikire ku

bê te bi hertiştên xwe min dixeniqîne

tehma jiyana min jehr kiriye.

Bajarek bifikire ku bûye hepsa min

ez bûme mehkûmê wî

dest û lingên min girê daye min dixapîne.

Bajarek

ez û tu

eşq û tenêtî

hesret û gazin…

Çi bibêjim

tenêtî ji her alî ve min dikuje

Bizanibe ku ez dimirim

saet bi saet

roj bi roj ez dimirim

tu tune yî ez dimirim…..

Helbest:Occo Mahabad

Occo Mahabad Çavmorîkê

Çavmorîkê…

Çavmorîkê

Veqetînek bû evîn

Çavên girî

Esmanên bêdawî

Rêyên dûr bûn

Dizanim

Dawiyê

Her rê digihîşt destên te yên biçûk

Her hesret di hembêza te de bi dawî dibû

Tu digiriya

Min hêstirên çavên te vedixwarin

Te nifir dikirin

Ez dikeniyam

Helbest:Occo Mahabad

Occo Mahabad xwezî

Helbest:Occo Mahabad

Xwendin:Occo Mahabad

Xwezî…

Xwezî te bizanibûya rojên bê te çiqas zor in çiqas dijwar in

xwezî te halê min ê belengaz bidîta

eywax lê eywax ji dlê min ê belengaz re hezar car eywax

dilo dilo tu yê jî wisa biketa derdê evînê derdê hesretê

tu yê jî wisa bigiriya xwe bavêta bextê zalimekê

tu yê jî bibûya koleyê çavên xweşik û nazenîn

tu yê jî bibûya êsîrê bêhna wê ya kujerî

eywax li min eywax ji dilê min ê belengaz re hezar car eywax

dilo dilo gidîno dilo

te yê jî wisa êş û azar bikişanda

tu yê jî biketa nava kul û derdan

êdî nikarim bê te bijîm

were dengê dilê min ê belengaz

were min tenê nehêle

were min bê xwe nehêle

gidî gidî xezalê gidî gidî delalê gidî gidî nazdarê

were min bê xwe di nava êş û eleman de nehêle

nehêle… were…

Helbest:Occo Mahabad

Occo Mahabad dem

Helbest :Occo Mahabad

Xwendin : Occo Mahabad

Dem

Paşê min fêm kir ku

Eşq jî diguhere û diqede

wekî her tiştî

Bi tenê êş dimîne.

Paşê min fêm kir ku

Kesên ku dibêjin ez naçim

Beriya herkesî diçin

Kesên ku bêriyên destên we êş û azar dikişînin

Êdî we nas nakin..

Hûn dîsa wekî zemanên berê tenê dimînin

Bi tenêtiyan rojên xwe derbas dikin

Dibînin ku

Kesek dengê we nabihîse û napirse

Kesek nemaye Ii pey we rondikan birijîne..

Paşê min fêm kir ku

Jiyan didome

Êş bidome jî hêdî hêdî sivik dibe

Û hûn wekî her tiştî diguherin

Êş diguhere

Birîn diguhere

Dem diguhere…

Dem derbas dibe hinek êş kûr dibin

Dem derbas dibe hinek birîn baş dibin

Lê ya rast

Tu kes nizane

Dem çi tîne û çi dibe

Tu kes nizane

dê çi nîşanî we bide…

Occo Mahabad

Occo Mahabad bir şehir

Şiir:Occo Mahabad

Okuyan :Hüseyin Şimşek

Bir şehir

Not:Bu şiir Occo Mahabad’ın Kürtçe bajarek şiirinin çevirisidir.

Bir şehir düşün ki

İçinde ben

Yanlız ve kimsesiz

Seni düşünür

Seni arar

Seni isterim

Hasretinle yanarım

Bir şehir düşün ki

Senin yokluğunda herşeyiyle beni boğar

Yaşama sevincimi yokeder

Bir şehir düşün ki

İçinde mahkumu olduğum bir hapishaneye dönüşmüş

Doyasıya kandırır beni

Bir şehir

Ben ve sen

Aşk ve yalnızlık

Özlem ve şikayet

Ne desem bilmiyorum ki

Yalnızlık bütün vargücüyle ruhumu öldürüyor

Bilki sensiz her gün

Saat saat

Gün be gün yok oluyorum

Sen yoksun ölüyorum.

Occo Mahabad

%d blogcu bunu beğendi: