Bi Occo Mahabad re Hevpeyvîn…

Em di serî de ji bo vê hevpeyvînê ji Occo re spas dikin û serkeftinê jê re dixwazin. Jixwe ne hewce ye em li vir qala Occo Mahabad û helbestên wî bikin, helbestên wî ew nîşan didin. Em hêvîdar in dê ev hevpeyvîn bala we bikşîne û hûn ê bi kêfxweşî bixwîn

Gernas Nenas
1-) Di serî de em dixwazin te binasin. Occo Mahabad kî ye, çawa jiyan dike?

Occo Mahabad
Bi rastî bersiva vê pirsê hem hinekî zor e hem jî hêsan e.Lê ez dixwazim bersivekê hêsantir bidim.Occo Mahabad jî wekî herkesî jiyana xwe bi derd, kulan an  jî bextewariyan dewam dike.Carinan wekî zarokekî sêwî ye,carinan êşan dijmêre carinan bextewar dibe.Lê cudatiya Occo Mahabad ew e ku di aliyê huner û afirandinê de dîwarek,têlek,hûcreyek,tirsek an jî astengiyek nas nake ji ber ku li gorî min huner divê bi hiş,hîs û dilekî azad were çêkirin.Bi tirsan em nikarin hunerekê baş deynin holê.

Gernas Nenas
2-) ‘Helbestên Dînik’ pirtûka te ya yekemîn e. Qet projeyên te yên nû nînin? Pirtûka nû kingê ye?

Occo Mahabad
Piştî pirtûka Helbestên Dînik ez li van rojan pirtûkeke nû amade dikim lê nizanim wê kengê,çawa were çapkirin û weşandin.Bi tenê dikarim bibêjim ku ji bo edebiyata Kurdî ser xêrê be…

Gernas Nenas
3-) Tu ji Helbestvanên Kurd ên navdar (wek; Cegerxwîn, Melayê Cizîrî h.w.d) cudatir dinivîsî, ango hestên xwe bi şêweyeke cuda tînî zimên. Ev yek bandoreke çawa li helbesta kurdî dike? Helbesta kurdî dikare vî barî hilgire?

Occo Mahabad
Bi rastî ew hostayên nemir û mezin herdem rêya me ronî kirine.Li gorî min di dil û mêjiyê her helbestavan/ê de dijîn.Divê em ji bîr nekin ku em hinek jî ew in ji ber ku em şopînerên wan in,em bi helbestên wan mezin bûne.Lê helbet cudatî û taybetiyên me jî hene.Wek mînak ez bi şêweyeke azad dinivîsim,gellek helbestên min li gorî civata me nîne.Ev helbestên cuda carinan bi rexneyên tund tên şermezarkirin.Mesela piştî nivîsandina helbesta –Dendika min-gellek kes ji min re peyamên kufrî û dijûnî şandin.Lê kesên ku kufran dikin nizanin ku dengbêj û şairên me yên mezin jî behsa wan tiştan kirine.Kî dikare bêje ku Şakiro di stranên xwe de behsa cotmemikan nekiriye.An jî kî dikare bêje ku hostayên me yên nemir yên wekî Cegerxwîn an jî Ehmedê Xanî behsa devşêrînan an jî lêvên têrgoştan nekirine.Mixabin ciwanên me edebiyata klasîk nas nakin û haya wan jî ji stranên dengbêjî tune.Lewma ez jî di vî warî de zêde nayêm fêmkirin.
We jî got şêwe û terza min ji bo jiyana Helbesta Kurdî hinekî cuda û giran tê.Lê ez bawer im ku gellek kes jî wekî min ew helbestên cuda pir normal dibînin û wekî min difikirin.Ji ber ku di nava jiyana me de pevşabûn jî heye.Gelo kesekî neketiye rûbara pevşabûnê heye?Her însan vê mijarê nas dike û dijî.Min bi tenê îfade kir û nivîsand.Lê divê em ji bîr nekin ku helbestvanên me yên mezin jî dest avêtinê vê mijarê û nivîsandine .

Gernas Nenas
4-) Çima ‘êş’ destê helbestvanên kurd û helbestên wan bernade? Ma qet helbestvanên me dilşa nabin? Tim dilşewat in?

Occo Mahabad
Ger li welatekî şer,pevçûn,xizanî,birçîtî hwd. hebin helbet êş jî çêdibin.Mixabin em di vî alî de civatekê pir êşdar in.Herkes êş dikşîne lê helbestvan ji herkesî zêdetir êş dikşîne ji ber ku barê wî/wê giran e.Ew mecbûr e ku êşên civatê deyne ser kaxizan û bibe dengê mirovan…Ew jî her tim me dilşewat dike…

Gernas Nenas
5-) Li gor tecribe û hosteyiya xwe, ji bo helbestvanên nû çi pêşniyar dikî? Divê di rêyeke çawa de bimeşin?

Occo Mahabad
We behsa hostetî û tecrûbeyê kir lê ez xwe wek hoste an jî bitecrûbe nabînim.Lê pêşniyara min ew e ku bila rêz û hurmet nîşanî hev bidin.Bila her helbestvanî/ê nas bikin û helbestên wan bêyî qurretiyê bixwînin.
Ji bo min her helbestvan û her helbest pir biqîmet in.Ez bi wan re bextewar im ku hin tiştan diafirînin û ji bo Gellê xwe xizmeteke mezin didin.

Gernas Nenas
6-) Tiştên ku min qal nekirine û tu dixwazî bibêjî hene? Ji xwendevanên helbesta kurdî û şopînerên te regotinên te hene?

Occo Mahabad
Ez her roportajê de behsa zihniyeta weşangeriya Kurdî dikim.Mixabin weşangerên me nakevin pey qabiliyetên nû û pirtûkên wan naweşînin.Ger perê te tunebe tu nikarî pirtûkekê biweşînî û têxî jiyana Kurdewarî.Ez dibînim ku gellek ciwanên me ji ber sedemên ekonomîk nikarin pirtûkên xwe çap bikin,biweşînin û xwe îfade bikin di cîhana edebiyata Kurdî de..Ew mijar dilê min diêşîne.

Mixabin û sed mixabin pirsgirêka herî mezin hişmendiya WEŞANGERIYÊ ye.Ji ber vê hişmendiyê edebiyata Kurdî pêş nakeve û xwe nikare dewlemend bike.

Gotina min a dawî ji bo şopînerên min ew e ku bila li ziman û çanda xwe xwedî derkevin.

Ez hemûyan bi dilekî germ silav dikim.

Bo vê roportaja xweşik jî ji we re spas dikim.

Bila kar û barê we bi serkeftî derbas be….Ez heyrana we….

BÜTÜN RÖPORTAJLARI AŞAĞIDAKİ LİNKTEN İNDİREBİLİRSİNİZ..

LİNK 1:DAXE-ÎNDÎR…

LİNK 2:DAXE-İNDİR

LİNK 3:DAXE-İNDİR

LİNK 4:DAXE-İNDİR

LİNK 5:DAXE-İNDİR

Etiketler:,

About admin

”’Occo Mahabad”’ programcı,çevirmen,şair ve yazardır.Bütün çalışmalarını Kürtçe yapmıştır. ”’Occo Mahabad”’ 1977 senesinde Wan’da dünyaya gelir. İstanbul Ünüversitesini bitirdikten sonra yazmaya başlar. Yazı ve şiirleri Çîrûsk, Asiva, Pengav gibi dergilerde yayınlanmıştır,ayrıca internette bir çok sitede resmi yazar ve yazıları makaleleri bulunmaktadır. İlk şiir kitabının adı HELBESTÊN DÎNIK dir.(Çatlak Şiirler).Kitap AVA yayınlarından çıkmıştır. İkinci kitabının ismi Êşên Qehbiktir (Kahpe Acılar).Kitap Do yayınlarından çıkmıştır. Yazılarının dışında yabancı filmlere Kürtçe altyazılarda hazırlamıştır.Birçok film Occo Mahabad tarafından Kürtçeleştirilmiştir. Occo Mahabad’ın Kürtçeleştirdiği bazı filmler/ “MALENA” “RABBIT PROOF FENCE” “THE ROAD to GUANTANAMO” Teknik dünyanın anlaşılması için yazdıgı bir E-kitap da vardır.Kitap Nivîsên Teknîkî (Teknik Yazılar) adıyla bilinmektedir. Bunun yanı sıra Occo Mahabad teknik çalışmalarıylada bilinmektedir. Bugüne kadar birçok bilgisayar programı Occo Mahabad tarafından Kürtçeleştirilmiştir. Occo Mahabad’in Kürtçeleştirdiği bazı bilgisayar programları/ WinRAR Defraggler Revo Uninstaller CCleaner Ayrıca ilk defa halk için şiir ve sanat şiarıyla tüm hakları halka ait olan Helbestên Dînik (Çatlak Şiirler) adlı ücretsiz bir şiir albümü hazırlamıştır. Albüm internet üzerinden serbestçe dağıtılıp indirilebilmektedir. Kitapları: “Helbestên Dînik(Çatlak Şiirler):Ava Yayınları-Mart-2012 “Êşên Qehbik(Kahpe Acılar):Do Yayınları-Mayıs-2013

Trackbacks / Pingbacks

  1. Bi Occo Mahabad re Hevpeyvîn – SîneNûçe - Nisan 3, 2017

Bir Cevap Yazın

Aşağıya bilgilerinizi girin veya oturum açmak için bir simgeye tıklayın:

WordPress.com Logosu

WordPress.com hesabınızı kullanarak yorum yapıyorsunuz. Çıkış  Yap / Değiştir )

Twitter resmi

Twitter hesabınızı kullanarak yorum yapıyorsunuz. Çıkış  Yap / Değiştir )

Facebook fotoğrafı

Facebook hesabınızı kullanarak yorum yapıyorsunuz. Çıkış  Yap / Değiştir )

Google+ fotoğrafı

Google+ hesabınızı kullanarak yorum yapıyorsunuz. Çıkış  Yap / Değiştir )

Connecting to %s

%d blogcu bunu beğendi: